- 73 -

1301, März 16. Schloss Patschkau.

Herzog Bolko verkauft dem Abte von Kamenz, Peter de Podatyn, und dem Schulzen Heinrich gen. Probsthain in Frankenberg alle ihm zugehörigen Plätze um Wartha und ein Feld beim Neissefluss.

In nomine domini amen. Cum non nuncquam per oblivionis inerciam facta hominum in dubium convertantur et dolus versipellis pregnans astuciis etiam circa notoria inficiacioni sepissime locum paret, diligens maturitas sapientum futuris cupiens casibus plenius obviare consuevit ea scriptis attenticis perhennare, ut ad cursum futuri temporis veritatis evidentia pateat incorrupta. Hinc est, quod nos Bolko dei gracia dux Slezie dominus de Worstenberch necnon tutor terre Wratizlaviensis ad noticiam universorum tam presencium quam futurorum tenore presenciom cupimus pervenire, nos domino abbati de Kamencz, Petro de Podatyn et Heynrico dicto Probisthayn sculteto in Frankenberck omnes nostras areas circa Wartham et totum campum nostrum, qui a dictis areis versus Nyzzam fluvium protenditur, rite ac racionabiliter vendidisse ipsis et successoribus seu heredibus eorumdem iure hereditario et empcioni titulo perpetuo possidenda. In quibus areis dicti emptores sex tabernas edificabunt, de quibus nobis nullum penitus censum dabunt nec servicium aliquod exhibebunt, sed easdem tabernas sine omni censu et servicio perpetuo libere possidebunt. Et in dictis sex tabernis erunt pistores, carnifices et sutores reficientes ruptos calcios et veteres renovantes et per consequens tales artes mechanice quales in aliis sunt, adicientes eciam, quod sepedicti emptores videlicet dominus abbas de Kamencz, Petrus de Podatyn et Heynricus dictus Probysthayn scultetus in Frankenberch circa easdem tabernas ortos, si eis placuerit, poterunt collocare. Ut autem predicta omnia robur habeant perpetue firmitatis, predictis domino abbati de Kamencz, Petro de Podatyn et Heynrico dicto Probysthayn et eorum successoribus seu heredibus hanc litteram sine omni calumpnia conscriptam dedimus nostri presentis sigilli appensione munitam. Actum datumque in castro Paczkow anno domini millesimo trecentesimo primo XVII°. Kalendas Aprilis presentibus testibus ad hoc rogatis dominis: Syffrido prothonotario, Hermanno advocato in Richenbach, Heynrico de Lubavia castellano in Paczkow, Frixschone de Gorlicz, Johanne de Petirswalde, Thylone marschalco, Arnoldo advocato hereditario in Frankensteyn et pluribus aliis per fidei constanciam approbatis.

Or. Perg.
An gedrehten Fäden von grüner Beide das S. des Herzogs wie bei No. LXVII.
In deutscher Uebersetzung bei Frömrich, S. 52 ff.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.